睇唔过眼!

Fuck！近呢2年嘅"潮流"真系令我睇唔过眼！！尤其系充斥系香港已及广州嘅各大"潮人"，扑你哋个臭街，着住条LVC，着住对FBT，加件Stussy T仔，戴住顶死人One way帽，行过仲要眼"虌虌"，我X你个老X咩！！咁就话自己好潮，仲要吹X晒水咁。

以下系敬各位"潮人"嘅，大概重2年前，APE大红大紫，NIGO条粉肠发到猪头咁果阵开始，我就开始对所谓嘅日系潮牌反感，但系就有一堆咁嘅人俾人洗咗脑，系咁罗钱出黎买啊买（HK啲傻仔特别严重）！其实谂番转头，呢D日系牌子都系揾咗啲所谓嘅"潮星"（陈冠希系最典型嘅例子）着住上杂志，然后，就会有好多"潮人"跟住买，方法就系咁简单！！我曾经同啊DEE咁倾过："如果衣家回力公司有钱请到陈冠希做代言人，我谂回力即刻变潮牌！"真系觉得好好笑！我觉得潮流系一种自主嘅生活态度，觉得唔系盲目跟风囖！米人着乜你又着乜、人跟你又跟，要考虑下自己岩唔岩先得咖，见人着得好睇又罗2、3千蚊去买条NBHD嘅牛仲要系普通版，着咗高啲咖、着咗条"能"会大啲咖？？自己同啲朋友一直都好坚持自己嘅风格，我由3，4年前到衣家都系做低调嘅板仔Style，因为自己嘅骨架比较大，而且呢种打扮我认为最舒服。

请各位"潮人"醒下啦！衣着打扮最重要嘅系自己舒服，唔好一味追求名牌！唔好再俾D国际集团洗脑，CLOT一条短裤$2600，Vans正版短裤一条$240，一条顶十条（Vans绝对比Colt好着！！以人格担保）！！好多时我都觉得呢啲潮牌真系好赚钱囖！赚到笑果只啊 ！

以上系我对潮流同埋近2年陆续出现嘅潮人嘅睇法！如果得罪咗各位潮人嘅，请指教！

（本文纯属个人观点 如有雷同 实属巧合）